आगामी महापालिका निवडणुकीच्या पार्श्वभूमीवर सर्वच पक्षाने कंबर कसायला सुरुवात केली आहे. सर्वोच न्यायालयाने काही दिवसपूर्वीच राज्य सरकारला निर्देश देत महापालिका निवडणुका या चार महिन्यात घेण्याचे निर्देश दिले. सरकारने देखील याला सकारात्मक प्रतिसाद दिला असल्यामुळे कोणत्याही क्षणी महापालिका निवडणुकीचे बिगूल वाजण्याची शक्यता आहे. अशातच महायुतीचे मुंबई महापालिकेवर विशेष लक्ष्य आहे. मागच्या अनेक वर्षांपासून मुंबई महापालिकेवर शिवसेनेची सत्ता आहे.

मात्र आता शिवसेनेत फुट पडल्यानंतर एकनाथ शिंदे यांच्या गटात मुंबईचे ठाकरे गटाचे आमदार, खासदारांसह अनेक नगरसेवकांनी प्रवेश केला आहे. या सगळ्याच्या पार्श्वभूमीवर खासदार श्रीकांत शिंदे हे मैदानात उतरले आहे. लवकरच युवासेनेचा मेळावा पार पडणार आहे. यामध्ये श्रीकांत शिंदे हे कार्यकर्त्यांना मार्गदर्शन करणार आहे. आता मुंबई महापालिकेवर एकनाथ शिंदे यांचे वर्चस्व राहतं की उद्धव ठाकरे यांचं हे बघणं महत्वाचे ठरणार आहे.