Maharashtra Politics: नरेंद्र मोदींच्या मंत्रिमंडळाचा चेहरा कसा असणार ? महाराष्ट्रातील कोणत्या नेत्यांना संधी मिळणार याची उत्सुकता आहे. महायुतीतील काही खासदारांची नावे चर्चेत आहे. पाच खासदारांमागे एक कॅबिनेट मंत्री असा फॉर्म्युला ठरवण्यात आलाय. नरेंद्र मोदी 9 जूनला पंतप्रधान पदाची शपथ घेणार आहेत. मोदी हे तिसऱ्यांदा पंतप्रधानपदाची शपथ घेऊन स्वतंत्र भारताचे पहिले पंतप्रधान जवाहरलाल नेहरू यांच्या विक्रमाची बरोबरी करणार आहेत. रविवारी संध्याकाळी 7.15 वाजता हा शपथविधी सोहळा पार पडणार आहे. यावेळी मोदींसोबत 18 खासदार मंत्रिपदाची शपथ घेतील. मोदींच्या मंत्रिमंडळात यावेळी एनडीएच्या सर्वच घटक पक्षांना संधी देण्यात येणार आहे. महाराष्ट्राच्या वाट्यालाही काही मंत्रीपदं येणार आहेत. यात शिंदे गट आघाडीवर आहे.