१७ मे ते २ जून पर्यंत मध्य रेल्वेवर विशेष ब्लॉक घेतला जाणार आहे. हा ब्लॉक रात्री घेतला जाणार आहे. छत्रपती शिवाजी महाराज टर्मिनसच्या फलाट क्रमांक १० आणि ११ च्या तांत्रिक विकासासाठी हा ब्लॉक घेतला जाणार आहे. ब्लॉकच्या वेळी भायखळा ते छत्रपती शिवाजी महाराज टर्मिनसदरम्यान रेल्वे सेवा बंद असणार आहे. ब्लॉकपूर्वी छत्रपती शिवाजी महाराज टर्मिनसमधून मध्यरात्री १२ वाजून १४ मिनिटांनी शेवटची ट्रेन सुटणार आहे. हा ब्लॉक संपल्यानंतर छत्रपती शिवाजी महाराज टर्मिनसमधून पहाटे चार वाजून ४७ मिनिटांनी पहिली लोकल कर्जतसाठी सुटेल. तर ठाण्याहून पहाटे चार वाजता छत्रपती शिवाजी महाराज टर्मिनससाठी लोकल सुटेल.