नवनीत कॉवत यांनी पदभार स्वीकारताच सरपंच संतोष देशमुख यांच्या हत्येच्या तपासाला वेगाने सुरुवात केली आहे. त्या अनुषंगाने बीडचे पोलीस अधीक्षक म्हणून पदभार घेताच नवनीत कॉवत यांनी मस्साजोग प्रकरणात सर्व अधिकाऱ्याची बैठक बोलावली. तपास कुठपर्यंत गेलेला आहे ? तपासामध्ये काय काय बाकी आहे? आरोपी अटक करण्याचे जे बाकी आहेत, त्यांना अटक करण्यासाठी आम्ही प्रधान्याने काम करणार आहे, असं पोलीस अधीक्षक नवनीत कॉवत यांनी सांगितल.

दरम्यान यावेळी शासनाने माझ्यावर खूप मोठी जबाबदारी सोपवली आहे, बीडच्या लोकांनाही माझ्याकडून भरपूर अपेक्षा आहेत, बीड जिल्ह्यातील लोकांना जो जिल्ह्यामध्ये प्रॉब्लेम आहे, तो सोडवण्याचा प्रयत्न मी 100% करेल. तुमच्याकडून मला सहकार्य पाहिजे. पोलीस प्रशासन तुमच्यासाठी आहे. असेही आवाहन नवनीत कॉवत यांनी केले.