सोलापूर शहरातील होम मैदानावर कृषी प्रदर्शनाचा आयोजन करण्यात आलं आहे. या कृषी प्रदर्शनामध्ये आलेली राधा नामक बुटकी म्हैस आकर्षणाचा विषय ठरत आहे. राधा म्हैस जगातील सर्वात बुटकी म्हैस असल्याचा दावा याठिकाणी करण्यात आला आहे.

सोलापूर शहरात सध्या भरलेल्या कृषी प्रदर्शनात येथे आलेली राधा म्हैस सगळ्यांच्या अकर्षणाचा विषय ठरत आहे. राधा ही जगातील सर्वात बुटकी म्हैस असल्याचा दावा तिचे मालक अनिकेत बोराटे यांनी केलाय. सोलापूर कृषी प्रदर्शनातील या लाडक्या राधाला तब्बल साडेतीन लाख रुपयांना विकतही मागण्यात आलं आहे. मात्र कितीही किंमत आली तरी आम्ही राधाला विकणार नसल्याचं तिच्या मालकांनी म्हटल आहे. या बुटक्या म्हशीची उंची तीन फूट आणि लांबी सहा फुटाची आहे. राधा जवळपास तीन वर्षाची आहे. राधाला पाहण्यासाठी सोलापूरकरांनी या कृषी प्रदर्शनात गर्दी केली आहे.