में महिन्याच्या सुरुवातीलाच झालेल्या जोरदार पावसामुळे सोलापूर जिल्ह्यातील अनेक तलाव भरून वाहू लागले आहेत. विशेषतः सोलापूरजवळील होटगी तलाव तुडुंब भरला असून त्याचे दृश्य अत्यंत मनमोहक झाले आहे. ढगाळ हवामानात आभाळाचे प्रतिबिंब पाण्यावर पडल्याने आभाळच जणू जमिनीवर उतरल्याचा भास निर्माण झाला आहे.

हे दृष्य ड्रोन पायलट चेतन लिगाडे यांनी कैद केले असून, निसर्गप्रेमींना आकर्षित करणाऱ्या या विहंगम दृश्यामुळे स्थानिक आणि पर्यटकांमध्ये प्रचंड उत्सुकता निर्माण झाली आहे. तलावाचा हा देखावा पावसाळ्याच्या आगमनाचे स्वागत करत असल्याचं चित्र स्पष्टपणे दिसतं आहे.