आता एक धक्कादायक बातमी सोलापुरातून येत आहे. प्रसूतीनंतर आरामाची गरज असताना एका महिलेला तब्बल आठ दिवस स्वत:ची स्वच्छता करावी लागली आहे. ही संतापजनक घटना माढा येथील ग्रामिण रूग्णालयातून उघडकीस आली आहे. या प्रकरणामुळे ग्रामिण आरोग्य व्यवस्थेची गंभीर दुरवस्था पुन्हा एकदा समोर आली आहे.

या घटनेची माहिती मिळताच शिवसेना शिंदे गटाचे शंभू साठे यांनी रूग्णालय गाठून प्रशासनाला चांगलेच धाऱ्यावर धरलं आहे. "प्रसूती महिलेला स्वत:ची देखभाल करावी लागत आहे. म्हणजेच रूग्णालयात कर्मचारी नेमके काय करत आहेत?", असा संतप्त सवाल त्यांनी उपस्थित केला आहे. तसेच कामचुकार सफाई कर्मचारी आणि संबंधित वैद्यकीय अधिकाऱ्यांवर तात्काळ कारवाई करावी, अशी मागणीही केली आहे.