सोलापूर जिल्ह्यातील सुरु असलेल्या मुसळधार पावसामुळे जनजीवन विस्कळीत झाले आहे. अक्कलकोट तालुक्यातील बादोला ते बोरगाव देशमुख दरम्यानचा मार्ग पूर्णपणे पाण्याखाली गेला आहे. यामुळे वाहतूक पूर्णपणे ठप्प झाली आहे. रस्त्यावर साचलेल्या पाण्याचा जोर इतका आहे की वाहनचालकांसाठी मार्गक्रमण करणे धोकादायक ठरत आहे.

या भागात पाण्याचा प्रवाह झपाट्याने वाढत असूनही काही नागरिक धोका पत्करत प्रवास करताना दिसत आहेत. त्यामुळे दुर्घटना होण्याची शक्यता नाकारता येत नाही. अद्याप प्रशासनाकडून कोणतीही ठोस उपाययोजना करण्यात आलेली नाही, याबाबत स्थानिक नागरिकांत संतापाची भावना आहे.प्रशासनाकडून तातडीने उपाययोजना व्हाव्यात, अशी स्थानिक नागरिकांची मागणी आहे.