सांगोला तालुक्यातील बागलवाडी येथील‌ मतदान केंद्रावरील एव्हीएम मशीन जाळण्याचा प्रयत्न झाल्याची माहिती समोर आली आहे. या प्रकरणी अधिकाऱ्यांनी एका तरुणाला पकडून पोलिसांच्या ताब्यात दिले आहे. दादासाहेब तळेकर या मतदाराने हे कृत्य केलं आहे. मतदान करण्यासाठी तळेकर गेले असता त्यांच्या खिशात पेट्रोलची बाटली होती. या पेट्रोलने ती मशीन जाळण्याचा प्रयत्न केला. त्यामुळे ही मशीन पूर्णपणे खराब झाली आहे.