देशभरात आज ईद-उल-फित्र अर्थात रमजान ईद उत्साहात साजरी होत आहे. मुस्लिम बांधव आनंदाने आणि भक्तिभावाने ईद साजरी करत आहेत. या निमित्ताने देशभरात विविध ठिकाणी सामूहिक नमाज पठण करण्यात येत आहे.

सोलापुरातील रंगभवन ईदगाह येथेही हजारो मुस्लिम बांधवांनी एकत्र येऊन नमाज अदा केली. काझी अब्दुल राफे, अब्दुल सलाम आणि मौलाना ताहेर बेग यांच्या नेतृत्वाखाली नमाज पठण झाले. विशेष म्हणजे, रंगभवन ईदगाह येथे महिलांसाठीही नमाजची स्वतंत्र व्यवस्था करण्यात आली होती. त्यामुळे मोठ्या संख्येने महिला देखील नमाज पठणासाठी उपस्थित होत्या.

नमाज पठणानंतर मुस्लिम बांधवांनी एकमेकांना ईदच्या शुभेच्छा दिल्या आणि आनंद साजरा केला.