सोलापूर शहरात चड्डी गँगचा सुळसुळाट पुन्हा एकदा पाहायला मिळतो आहे. मध्यरात्रीच्या सुमारास घरफोड्या, दुचाकी चोरी आणि अन्य चोऱ्यांच्या घटनांमध्ये मोठ्या प्रमाणात वाढ झाली असून, नागरिकांमध्ये भीतीचं वातावरण निर्माण झालं आहे. विशेष बाब म्हणजे या टोळीतील चार चोरटे सीसीटीव्ही कॅमेऱ्यात कैद झाले असून, ते चेहऱ्यावर काळं कापड बांधून चड्डीवर फिरताना दिसले आहेत.

शहरातील विविध भागांमध्ये गेल्या काही दिवसांत रात्रीच्या वेळेस घरांच्या भिंती ओलांडत, गाड्यांच्या डिक्कीत हात घालून, कुलूप तोडून चोरी करतानाचे प्रकार या व्हिडीओत आढळून आले आहेत. चड्डी गँगचं धाडस इतकं वाढलं आहे की, पोलिसांनी गस्त वाढवूनही ते निर्धास्तपणे चोऱ्या करत असल्याचं समोर आलं आहे.