भजन करताना रामधन महाराजांना आला हृदयविकाराचा झटका
बंजारा समाजाचे प्रबोधनकार रामधन महाराज यांचे निधन
परतूर तालुक्यातील कार्यक्रमात घडली हृदयद्रावक घटना
अक्षय शिंदे, साम प्रतिनिधी
बंजारा समाजाचे थोर प्रबोधनकार रामधन महाराज राठोड यांच्या निधनाने संपूर्ण समाजावर दुःखाचा डोंगर कोसळला आहे.जालना जिल्ह्यातील परतूर तालुक्यातील सुरुमगाव तांडा येथे ही हृदयद्रावक घटना घडली आहे. रामधन महाराज हे सुरुमगाव तांडा येथे आयोजित एका कार्यक्रमात बंजारा भजन सादर करत होते. बंजारा समाजाचे प्रसिद्ध प्रबोधनकार रामधन महाराज राठोड यांचं हृदयविकाराच्या झटक्याने निधन झालं.
मिळालेल्या माहितीनुसार, परतूर तालुक्यातील सुरुमगाव तांडा येथे बंजारा समाजाचे प्रसिद्ध प्रबोधनकार रामधन महाराज राठोड यांचा भजनाचा कार्यक्रम आयोजित केला होता. मोठ्या संख्येनं या कार्यक्रमाला बंजारा बांधव हजर होते. समाजप्रबोधनाचे विचार मांडत असताना आणि भजनात तल्लीन असताना त्यांना अचानक चक्कर आली. त्यानंतर ते जागेवरच कोसळले. त्यांना तातडीने उपचारासाठी हलवण्यात आले, मात्र दुर्दैवाने त्यांची प्राणज्योत मालवली. रामधन महाराज यांना तातडीने उपचारासाठी नजीकच्या रुग्णालयात हलवण्यात आलं, मात्र डॉक्टरांनी तपासून मृत घोषित केलं. अनेक वर्षांपासून ते बंजारा समाजात समाजाचं भजनातून प्रबोधन करत होते. त्यांची भजनाच्या कार्यक्रमाला नेहमी गर्दी होत असायची.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.