बॉलिवूडमधील लोकप्रिय अभिनेता सिद्धार्थ मल्होत्रा आणि अभिनेत्री कियारा अडवाणी यांच्या आयुष्यात एक आनंदाची बातमी आली आहे. त्यांच्या घरी एका गोंडस लहान मुलीचं आगमन झालं आहे. कियारानं एका मुलीला जन्म दिला असून, दोघंही आता पालक झाले आहेत. लग्नानंतर सुमारे अडीच वर्षांनी हे गोड क्षण त्यांच्या आयुष्यात आले आहेत.

सिद्धार्थ आणि कियाराचं लग्न फेब्रुवारी 2023 मध्ये मोठ्या थाटामाटात पार पडलं होतं. त्यांच्या जोडीला बॉलिवूडमधील सर्वात लोकप्रिय आणि चाहत्यांची लाडकी जोडी म्हणून ओळखलं जाते. यावर्षी फेब्रुवारी महिन्यात त्यांनी पालक होणार असल्याची बातमी सोशल मीडियाच्या माध्यमातून आपल्या चाहत्यांपर्यंत पोहोचवली होती. आता त्यांच्या कुटुंबात या लहान परीच्या आगमनामुळे एक नवा आणि सुंदर अध्याय सुरू झाला आहे.