श्रीनिवास वनगा गेल्या १६ तासांपासून नॉट रिचेबल आहेत. काल संध्याकाळपासून ते घरी परतलेले नाहीत. त्यांचे दोन्ही फोन बंद येत आहेत. पोलिसांकडून त्यांचा शोध घेण्यात येत आहे. शिवसेना शिंदे गटाकडून तिकीट न मिळाल्याने ते नाराज आहेत. काल संध्याकाळी ते घराबाहेर पडले होते. पण अद्याप घरी परतलेले नाहीत. पोलिसांनी त्यांचा शोध सुरू केला आहे.

याबाबत त्यांच्या पत्नी सुमन वनगा यांनी साम टीव्हीला सांगितले की, 'ते खूप टेन्शनमध्ये दिसत होते. त्यांच्या मनात खूप वाईट विचार येत होते. त्यांनी या गोष्टी बोलूनही दाखवल्या होत्या. आता माझ्या जगण्याला काही अर्थ राहिला नाही, असे ते बोलत होते. त्याच नैराश्येतून निघून गेले.'

त्यांचे वाहन इथेच आहे. कुणालाही न सांगता ते निघून गेले. त्यांना आश्वासन मिळालं होतं. पालघरमधून तिकीट देणार असं आश्वासन त्यांना मिळालं होतं, असे ते बोलत होते. पण त्यांना कुठूनही तिकीट मिळालं नाही. त्यामुळं त्यांचं मानसिक संतुलन बिघडलं. त्यांनी काही दिवस अन्नपाणीही सोडलं होतं. डिप्रेशनमध्ये गेले होते, असंही वनगांच्या पत्नी सुमन यांनी सांगितलं.