पॅरिस ऑलिंपिकमध्ये ब्राँझ पदक मिळवून स्वप्नील आज पुण्यात परतला आहे. ५० मीटर रायफल शूटर स्वप्नील कुसळे याचा मंत्री चंद्रकांत पाटील यांचेकडून सत्कार करण्यात आला. यावेळी राजेश देशमुख क्रीडा आयुक्त यांनी देखील स्वप्नील कुसळे आणि त्याचा आई वडिलांचा सत्कार केला. कुस्तीगीर खाशाबा जाधव यांच्यानंतर तब्बल ७२ वर्षांनंतर महाराष्ट्राच्या स्वप्नील कुसाळे याने पॅरिस ऑलिम्पिकमध्ये ब्राँझपदक मिळविले.ऑलिम्पिकमध्ये ५० मीटर रायफल थ्री-पोझिशनमध्ये त्यांना हे पदक मिळाले असून वैयक्तिक पदक मिळविणारे तो महाराष्ट्रातील दुसरा खेळाडू ठरला.