पुणे जिल्ह्याच्या ग्रामीण भागात धावणाऱ्या एसटी बसची दयनीय अवस्था समोर आली आहे. ओतूर ते नारायणगाव मार्गावर धावणाऱ्या एका एसटी बसला चालकाच्या बाजूचा दरवाजाच नसल्याचे धक्कादायक वास्तव समोर आलं आहे. या बसचा व्हिडिओ सोशल मिडियावर व्हायरल झाला असून प्रवाशांसह चालकाच्या सुरक्षितेबाबत गंभीर प्रश्न निर्माण झाले आहेत. प्रवासी रोज या मार्गावर प्रवास करत असल्याने अपघाताचा धोका कायम आहे. दरवाजा नसल्यामुळे बस चालवताना चालकाला अडचणी येत असून प्रवाशांमध्ये भीतीचं वातावरण आहे. या बसची अशी अवस्था का झाली याबाबत प्रश्नचिन्ह उभे राहिले आहे.