जळगाव जिल्ह्यातील पाचोरा येथे एका शिक्षकाने शाळेतच आत्महत्या केल्याची धक्कादायक घटना घडली आहे. सुपडू भादू पाटील माध्यमिक विद्यालयात ही घटना घडली. शिक्षक रविंद्र भारत महाले वय 41 यांनी शाळेच्या इमारतीच्या तिसऱ्या मजल्यावर आत्महत्या केली. ही घटना आज बुधवारी 10.30 वाजेच्या सुमारास घडली. या घटनेमुळे विद्यार्थ्यांमध्ये प्रचंड भीतीचे वातावरण पसरले आहे. रविंद्र महाले हे मूळचे दहिगाव (संत) ता. पाचोरा येथील रहिवासी आहेत. ते आपल्या पत्नी, एक मुलगा आणि एक मुलगीसह त्यांच्या शहरात राहत होते. मात्र त्यांच्या आत्महत्येचे कारण अजून स्पष्ट झाले नाहीये. पोलिसांनी अकस्मात मृत्यूची नोंद केली असून पुढील तपास केला जात आहे.