डोंबिवलीत एक दुर्घटना घडली आहे. डोंबिवलीतील दर्शना पाम्स या इमारतीच्या चौथ्या मजल्यावरून पडून मुलीचा मृत्यू झाल्याची घटना घडली आहे. इमारतीच्या चौथ्या मजल्यावर ग्रीन लावले नसल्याने ५ वर्षीय मुलगी पडल्याची माहिती मिळत आहे.

इमारतीवरून पडून मृत्यू झाल्यानंतर मुलीच्या वडिलांनी मानपाडा पोलीस ठाण्यात तक्रार दाखल केली आहे. परी छोटूलाल बिंद असे मृत्यू झालेल्या मुलीचे नाव आहे. नालासोपारा येथे राहणारे छोटूलाल हे मुलीला घेऊन डोंबिवलीत राहणाऱ्या भावोजीकडे पूजेकरिता आले होते. इमारतीच्या गॅलरीमध्ये खेळताना ही दुर्घटना घडली. डोंबिवलीच्या दावडी परिसरातील या घटनेने या मुलीच्या कुटुंबीयांवर दु:खाचा डोंगर कोसळला आहे.