नाशिक: नाशिकच्या आडगांव शिवारात असलेल्या टाकेकर शिक्षण संकुलात विद्यार्थ्यांच्या जीवाशी खेळ सुरू असल्याचा धक्कादायक प्रकार उघडकीस आला आहे. कॉलेजच्या हॉस्टेलमध्ये दिले जाणाऱ्या जेवणात चक्क अळ्या आढळून आल्या आहेत. हा प्रकार पहिल्यांदाच घडला आहे असे नाही तर नेहमीच असे निकृष्ट पद्धतीचे जेवण दिले जाते असे विद्यार्थ्यानी सांगितले आहे. या निकृष्ट जेवणाच्या अनेक तक्रारी करून देखील कॉलेज प्रशासनाने त्याची कुठलीही दखल घेतली नाही. मेस चालकांवर अद्यापही कारवाई केली नसल्याचे विद्यार्थ्यांचा आरोप आहे.

उत्तम शिक्षण मिळावे आणि आपले ध्येय पूर्ण करण्यासाठी तरुणाई ही आपले मूळ गांव सोडून शहरात धाव घेत असतात.तसेच कॉलेजच्या हॉस्टेलमध्ये राहण्यासाठी विद्यार्थ्यांकडून अवाच्यासवा शुल्क आकरले जाते.आणि त्या बदल्यात त्यांच्या जीवाशी खेळले जाते असा आरोप शिकणाऱ्या विद्यार्थ्यांनी केला आहे.

Edited By Omkar Sonawane