लातूर-नांदेड महामार्गावर गेल्या काही दिवसांपासून सातत्याने अपघाताच्या घटना घडत आहेत. गेल्या काही दिवसांत तीन भीषण अपघाताच्या घटना घडल्या आहेत. लातूर-नांदेड महामार्गावरील नांदगाव पाटी येथे झालेल्या तीन अपघातांचे थरारक सीसीटीव्ही व्हिडिओ समोर आले आहेत. तिसऱ्या अपघाताच्या घटनेत दुचाकीने जाणाऱ्या पती-पत्नीला भरधाव कारने धडक दिली. या अपघातात एकाचा मृत्यू झाला. याआधी देखील दोन भीषण अपघात झाले. या अपघातात ४ जण कायमचे दिव्यांग झाले. गेल्या काही दिवसांपासून सतत होणाऱ्या अपघाताच्या घटनेमुळे हा महामार्ग मृत्यूचा चौफुला होत चालला आहे, असे बोलले जात आहे.