निवडणूक हक्क संघटना असोसिएशन फॉर डेमोक्रॅटिक रिफॉर्म्स (ADR) च्या विश्लेषणानुसार देशातील जवळपास ४७ टक्के मंत्र्यांवर गुन्हेगारी खटले दाखल आहेत. यात खून, अपहरण तसेच महिलांवरील गुन्ह्यांसारखे गंभीर आरोपांचा समावेश आहे. केंद्रीय मंत्र्यांबाबत पाहता, एकूण ७२ पैकी ३० मंत्र्यांनी त्यांच्या प्रतिज्ञापत्रात गुन्हेगारी खटल्यांची नोंद केली आहे.

दरम्यान, महाराष्ट्रातील ४१ मंत्र्यांपैकी तब्बल २५ मंत्र्यांवर गुन्हेगारी खटले दाखल असून, त्यापैकी १६ जणांवर गंभीर गुन्ह्यांचे आरोप आहेत. याशिवाय, या अहवालानुसार देशातील ६४३ मंत्र्यांकडे मिळून तब्बल २३,९२९ कोटी रुपयांची मालमत्ता असल्याची धक्कादायक माहिती समोर आली आहे.