कोल्हापूर जिल्ह्यातील पुरस्थिती तसेच राज्यातील आगामी निवडणुकांबाबत शिंदे गटाचे खासदार धैर्यशील माने यांनी महत्वाचे विधान केले आहे. कालच आमची पालकमंत्री यांच्यासोबत बैठक झाली. अलमट्टी धरणाच्या विसर्गवर दोन्ही राज्याची समिती करत आहे. येणाऱ्या काळात पूर उद्भवू नये यासाठी आम्ही प्रयत्न करत आहोत. पुरासाठी मी लोकसभेत आवाज उठवला आहे, असं धैर्यशील माने म्हणाले. तसेच आमचा पक्ष म्हणून आमचा आग्रह आहे की येत्या काळात देखील मुख्यमंत्री म्हणून एकनाथ शिंदे हेच राहावेत, पण निर्णय मात्र सर्वस्वी महायुतीचे नेते घेतील, असे महत्वाचे विधानही त्यांनी केले.