शिवसेना ठाकरे गटाने पक्षप्रमुख उद्धव ठाकरे यांच्या दसरा मेळाव्याच्या टीझर लॉच केला आहे. विशेष म्हणजे या मेळाव्यामध्ये राज आणि उद्धव ठाकरे यांची अधिकृत युती होण्याची शक्यता वर्तवली जात आहे.

शिवसेनेच्या अधिकृत सोशल मीडिया अकाऊंटवर हा व्हिडिओ शेअर करत म्हटलय की, परंपरा विचाराची, धगधगत्या मशालीची, महराष्ट्र हितासाठी होणार गर्जना ठाकरेंची.. दसरा मेळावा लवकरच..

विशेष म्हणजे या दसरा मेळाव्यात ठाकरे बंधूंची अधिकृत युती होण्याची चिन्हं आहेत. मराठीच्या मुद्यावर राज आणि उद्धव ठाकरे हे एकत्र आले त्यानंतर दोघांमधील भेटी देखील वाढू लागल्या. अनेक ठिकाणी मनसे आणि ठाकरे गटाचे संयुक्त मोर्चा देखील निघाले. एकूणच हा दसरा मेळाव्यात काय राजकीय गर्जना होती हे पाहणे औत्सूक्याचे ठरणार आहे.