uddhav thackeray raj thackeray : महाराष्ट्राच्या हितासाठी आम्ही एकत्र काम करायला तयार आहे. राज ठाकरेंसमोर उद्धव ठाकरेंनी कोणत्याही अटी शर्थी ठेवल्या नाही,असे शिवसेना खासदार संजय राऊत म्हणाले. शनिवारी उद्धव ठाकरेंना राज ठाकरेंनी साद घातली होती, त्याला उद्धव ठाकरेंनी प्रतिसाद दिला. त्यानंतर महाराष्ट्राचे राजकारण ढवळून निघाले. ठाकरे बंधू एकत्र येणार का? यावर राज्यात चर्चा सुरू झाली. आता यावर शिवसेना ठाकरे गटाचे खासदार संजय राऊत यांनीही प्रतिक्रिया दिली. आम्ही महाराष्ट्र हितासाठी एकत्र काम करायला तयार आहोत, असा संजय राऊत म्हणाले.

काही लोकांना हे भाऊ किंवा समविचारी पक्ष एकत्र आलेले नको असतात. त्यामुळे हे असे काटे मारत असतात. राज ठाकरेंनी एक विषय मांडला. तो विषय होता महाराष्ट्राच्या हिताचा. त्यावर काही क्षणात उद्धव ठाकरे यांनी यावर प्रतिसाद दिला. तो प्रतिसादही महाराष्ट्राच्या हितासाठी होता. यामध्ये अटीशर्थी कुठे आल्या. कोणती अट, कोणती शर्त, असा सवाल संजय राऊतांनी उपस्थित केला.