इराण-इस्रायल अमेरिका युद्धामुळे संपूर्ण देशात गॅसची आणीबाणी लागू झाल्याचे सदृश्य आहे. अनेक हॉटेल, खानावळी या बंद झाल्या असून आता युद्धाचा परिणाम हा थेट किचनमध्ये म्हणजेच भारतीयांवर झाला आहे. अशातच शिर्डी येथील साई प्रसादलयात मेनूमध्ये बदल करण्यात आल्याने साई भक्तावर उपासमारीची वेळ आली आहे. देशभरातून भक्तगण हे शिर्डीमध्ये येत असतात. दर्शनासाठी तासंतास रांगेत उभे राहून भुकेलेले असतात आणि अनेक भाविक हे चालत ही येतात. मात्र गॅस टंचाईमुळे साई संस्थेने भोजनातून डाळ-भात वगळला असून आता फक्त एक भाजी, चपाती आणि भाताची खिचडी मिळणार आहे. गॅस काटकसरीसाठी हा निर्णय घेतला असल्याचे संस्थेकडून सांगण्यात आले आहे. या निर्णयामुळे साई भक्तांवर उपासमारीची वेळ आली आहे.