जगप्रसिद्ध सांगली जिल्ह्यातील 32 शिराळ्याची नागपंचमी यंदा अधिक उत्साहात साजरी होत आहे. यामागचं विशेष कारण म्हणजे केंद्र सरकारकडून शिराळकरांना जिवंत नाग पकडण्याची विशेष परवानगी मिळालेली आहे.गेल्या २३ वर्षांपासून सर्वोच्च न्यायालयाच्या आदेशानुसार जिवंत नागांच्या पूजेला बंदी असल्याने शिराळ्याच्या ग्रामस्थांनी प्रतिकात्मक नागांची पूजा करत परंपरा जपली होती. मात्र यंदा केंद्र सरकारने वन्यजीव संरक्षण अधिनियमांतर्गत विशिष्ट अटींसह नाग पकडण्याची मुभा दिली आहे.

या निर्णयामुळे गावातील महिलांमध्ये आनंदाचं वातावरण असून, उत्साहात नागपंचमी साजरी केली जात आहे. शिराळ्यांची नागपूजा ही महाराष्ट्रातील एक वैशिष्ट्यपूर्ण परंपरा मानली जाते. नागपंचमीच्या दिवशी नागदेवतेची पूजा करून जिवंत नागांचे दर्शन घेण्याची प्रथा आता पुन्हा सुरु होत असल्याने, श्रद्धाळू आणि ग्रामस्थांमध्ये समाधान व्यक्त केलं जात आहे.