भाजप आमदार अमित गोरखे यांच्या स्वीय सहाय्यकाच्या पत्नीचा दुर्दैवी मृत्यू झाल्यानंतर शिवसैनिक हे आक्रमक झाले असून पुण्यातील दीनानाथ मंगेशकर रुग्णालयाबाहेर आंदोलन सुरू असल्याचे पाहायला मिळत आहे. शिवसेना शिंदे गटाचे कार्यकर्ते , पदाधिकारी रुग्णालयाच्या गेटवर धडकले आणि रुग्णालयाची प्रतिकात्मक तिरडी उचलली आणि डिनचा राजीनामा घेऊन कडक कारवाई अशी मागणी केली. तसेच हे रुग्णालय हे धर्मदाय संस्थेत आहे तरी देखील रुग्णालयामार्फत पेशंटकडून लाखो रुपये उकळले जातात अशी धक्कादायक माहिती शिंदे गटाच्या कार्यकर्त्यांनी दिली आहे.