संजय राऊत राज्य सभेचा सदस्य होण्यासाठी शिंदे साहेबांच्या हाता पाया पडत होते. यांना राज्यसभेत पाठवण ही चूक होती त्यापेक्षा संजय सावंत यांना पाठवायला हवं होतं. संजय राऊत यांची अवस्था धोबी का कुत्ता ना घरका ना घाट का अशी झाली आहे. हा साप रोज सगळ्यांना डसतो आहे, अशी खोचक टीका शिंदे गटाचे आमदार संजय शिरसाट यांनी संजय राऊत यांच्यावर केली आहे. सोमवारी आयोजित पत्रकार परिषदे ते बोलत होते. ते शरद पवारांचे कट्टर विरोधक असताना देखील त्यांच्या कार्यक्रमांना जायचे. दाढीला हलक्यात घेऊ नका. दाढीवरून त्यांनी हात फिरवला तर डम्पिंग ग्राउंडवर बसायची वेळ येईल, असा इशाराही यावेळी बोलताना शिरसाट यांनी दिला आहे.

पुढे बोलताना ते म्हणाले की, पाच तारखेला पाच वाजता आमचं सरकार येणार आहे. लग्न घटिका समीप आली आहे. या लग्नाला काही वराढी नाचण्याच्या तयारीत आहेत म्हणून टीका करत आहेत. आझाद मैदानात मोठा इव्हेंट होणार असून त्याच आमंत्रण सत्ताधारी आणि विरोधी पक्षांना देखील आहे. हा योग त्यांच्या नशिबी आला आहे ही सुवर्ण संधी त्यांनी घालवू नये, असं शिरसाट यांनी म्हंटलं आहे. तर एकनाथ शिंदे यांना अजूनही त्रास होतोय. आज ते वर्षा निवासस्थानी येतील आणि तिथे फडणवीस आणि अजित पवारांशी भेट होईल. त्यानंतर पुढच्या गोष्टी ठरतील. भाजपच्या वरिष्ठ नेत्यांची बैठक होणार आहे. शिंदे साहेबांना सगळे अधिकार आहेत, ते योग्य टु निर्णय घेतील, असं संजय शिरसाट यांनी सांगितलं.

Edited By Rakhi Rajput