मुंबई : आगामी विधानसभा निवडणूक जवळ आलेली आहे. त्यामुळे प्रत्येकजण आपापली ताकद वाढवण्याचा प्रयत्न करत आहे. आपली ताकद कशी वाढवता येईल, याकडे प्रत्येकाचं लक्ष आहे. त्यामुळेच कदाचित बच्चू कडू हे शरद पवार यांच्या भेटीला गेले असतील. आमच्याकडे देखील अनेक लोक भेटीला येतात. बच्चू कडू आणि त्यांचा पक्ष यामुळेच ते आजपर्यंत आमदार झालेले आहेत. त्यामुळे भेटी घेतल्यामुळे काही घटना घडतील, असे मला वाटत नाही अशी प्रतिक्रिया शिंदे गटाचे नेते संजय शिरसाट यांनी दिलीय.

विधानसभेच्या निवडणुकीचा शुभारंभ झालाय. येत्या ८ ते १० दिवसांत महायुतीच्या नेत्यांच्या जाहीर सभा होणार आहेत, असं देखील संजय शिरसाट म्हणाले आहेत. सगळ्या महायुतीच्या नेत्यांच्या मतदारसंघनिहाय सभा घेण्याचं आयोजन केलेलं असल्याची माहिती संजय शिरसाट यांनी दिलीय.