पालकमंत्री पदावरून शिंदे गट आणि अजित पवार गटामध्ये कोल्डवार पाहायला मिळत आहे. मंत्रिमंडळाचा विस्तार झाल्यानंतर काही दिवसातच जिल्ह्याचे पालकमंत्री जाहीर झाले. त्यानंतर काही वेळातच नाशिक आणि रायगडचे पालकमंत्रीपदावर स्थगिती देण्यात आली. विशेष म्हणजे रायगडच्या पालकमंत्रीपदासाठी भरत गोगावले आणि नाशिकसाठी शिंदेसेना आणि अजित पवार गट आग्रही होते. त्यामुळे मुख्यमंत्री देवेंद्र फडणवीस यांनी दोन्ही पालकमंत्रीपदाला स्थगित दिली ती अद्यापही कायम आहे. यावरूनच खासदार सुनील तटकरे आणि शिंदेंसेनेचे आमदार महेश थोरवे यांच्यात व्यासपीठावर टोलेबाजी पाहायला मिळाली.