Shinde Sena, Sheikh Mohsin, Akola News, Mangesh Kale, : अकोल्यात शिंदे गटाच्या शिवसेना पक्षांतर्गत वादातून अत्यंत धक्कादायक घटना समोर आली आहे. शिंदे सेनेच्या अल्पसंख्याक आघाडीचे जिल्हाध्यक्ष शेख मोहसीन यांचा अपघाती मृत्यू झाला होता. मात्र, हा अपघात नसून माजी जिल्हाप्रमुख मंगेश काळे यांनी रचलेला हत्येचा कट असल्याचा खळबळजनक आरोप शेख मोहसीन यांच्या कुटुंबीयांनी केला आहे.

कुटुंबीयांच्या मते, मंगेश काळे याने दारूच्या नशेत मागून येऊन गाडी अंगावर घालून चिरडले आणि हा निव्वळ अपघात नसून थेट हत्येचा प्रकार आहे. याप्रकरणी नातेवाईकांनी पोलीस ठाण्यात धाव घेऊन आरोपींच्या अटकेची आणि कठोर कलमांखाली गुन्हा दाखल करण्याची मागणी केली आहे . सध्या पोलीस सीसीसीटीव्ही (CCTV) फुटेजच्या आधारे या प्रकरणाचा पुढील तपास करत आहेत.

आरोपीला तात्काळ अटक करून कठोर कलमांखाली गुन्हा दाखल करावा, या मागणीसाठी नातेवाईकांनी पोलीस ठाण्यात ठिय्या मांडला असून पोलीस सध्या सीसीटीव्ही फुटेजच्या आधारे तपास करत आहेत.