मागच्या चार दिवसांपासून विनाअनुदानित शिक्षकांच मुंबईच्या आझाद मैदानात आंदोलन सुरू आहे. या आंदोलनाला काल शरद पवार गटाचे आमदार रोहित पवार यांनी भेट दिल्यानंतर आज देशाचे जेष्ठ नेते शरद पवार यांनी देखील या आंदोलनस्थळी जाऊन पाठिंबा दिला. शरद पवार म्हणाले, गेल्या 56 वर्षांपासून मी विधानसभा, लोकसभा, राज्यसभेमध्ये काम केले असून निधीची तरतूद कशी करायची हे मला माहीत आहे. शिक्षकांच्या महत्वाच्या मागण्या आहेत. त्यासाठी त्यांना संघर्ष करण्याची वेळ येत आहे. शिक्षक आंदोलणासाठी येऊन चिखलामध्ये बसत आहेत ज्ञानदान करण्याऱ्या शिक्षकांवर अशा पद्धतीने संघर्ष करण्याची वेळ येऊ देऊ नका असे ते म्हणाले.