पुणे : शरद पवार पुन्हा एकदा झंजावाती दौरा सुरु होणार आहे. प्रकृती अस्वास्थामुळे शरद पवारांनी आज एक दिवस विश्रांतीसाठी ब्रेक घेतला होता. त्यानंतर आता पुन्हा एकदा शरद पवार दौऱ्याला सुरुवात करणार आहेत. महाविकास आघाडीच्या उमेदवारांसाठी शरद पवार यांच्या प्रचारसभा होणार आहेत. 8 मे पासून शरद पवार पुन्हा एकदा दौऱ्याला सुरुवात करतील, अशी माहिती समोर आलीय. अहमदनगर, पुणे आणि सातारा जिल्ह्याचा दौरा शरद पवार करणार आहेत. बारामतीमधील सभेनंतर शरद पवार यांना प्रकृतीचा त्रास जाणवत होता. त्यामुळे त्यांचे आज होणारे सर्व कार्यक्रम रद्द करण्यात आले होते.