लोकसभेनंतर आता विधानसभेच्या निवडणुकांना सुरुवात होणार आहे. विधानसभेच्या पार्श्र्वभूमीवर सगळ्याच पक्षांची जय्यत तयारी सुरु आहे. राष्ट्रवादी काँग्रेस शरदचंद्र पवार पक्ष मुंबईत विधानसभेला 6 पेक्षा जास्त जागा लढवण्याच्या तयारीत असल्याची माहिती समोर येत आहे. राष्ट्रवादी काँग्रेस शरद चंद्र पवार पक्षाच्या मुंबई अध्यक्ष राखी जाधव यांनी ही माहिती दिली आहे. राष्ट्रवादी काँग्रेस लढवू इच्छित असलेल्या मतदारसंघांमध्ये मलबार हिल, भायखळा, विक्रोळी, सायन-कोळीवाडा,अनुशक्ती नगर- कुर्ला, दिंडोशी-वर्सोवा, अंधेरी पश्चिम घाटकोपर पूर्व, घाटकोपर पश्चिम आणि शिवाजीनगर- मानखुर्द यापैकी जागांचा समावेश असण्याची शक्यता आहे. राखी जाधव थोड्याच वेळा शरद पवार आणि जयंत पाटील यांची भेट घेऊन जागांचा प्रस्ताव सादर करणार आहे.