राष्ट्रवादी काँग्रेसचे अध्यक्ष शरद पवार यांनी वर्धापन दिनाच्या सोहळ्यात मोठं वक्तव्य केलं आहे. राष्ट्रवादी पक्षात फूट पडेल असं वाटलं नव्हतं, असं वक्तव्य खासदार शरद पवारांनी केलं आहे. पक्षाच्या २६ व्या वर्धापन दिन सोहळ्यात पवारांनी हे वक्तव्य केलं. आव्हानाचा सामना करत पक्षाला पुढे नेण्याचं आवाहन शरद पवारांनी कार्यकर्त्यांना दिलं .

शरद पवार काय म्हणाले?

शरद पवार कार्यक्रमात म्हणाले, 'पक्षाला काही आव्हानाचा सामना करावा लागला. परंतु तरीही तुम्ही निराश न होता पक्षाला पुढे नेत आहात. पक्ष फुटला. मी कधीच पक्ष फुटेल असा विचार केला नव्हता. काही लोकांनी दुसरी विचाराधारा स्वीकारली. त्यामुळे पक्षात फूट पडली. मी याविषयी बोलू इच्छित नाही. परंतु जे लोक पक्षाशी प्रामाणिक राहिले. ते विचारधारेमुळे प्रामाणिक राहिले आहेत'.