'मुख्यमंत्रिपदासाठी उद्धव ठाकरे यांनी इच्छा व्यक्त केली असली, तरी राष्ट्रवादी शरद पवार गट आणि काँग्रेस हे दोन्ही पक्ष त्यांना कितपत साथ देतील हे पहावे लागेल. महाविकास आघाडीत दहा ते बारा मुख्यमंत्री पदाचे स्वप्न पाहणारे नेते आहेत. मुख्यमंत्रिपदावरून महाविकास आघाडीमध्ये फाटाफूट होईल, असा दावा शिवसेनेचे सांगोल्याचे आमदार शहाजी बापू पाटील यांनी केला आहे.

'महाविकास आघाडीच्या बैठकीत उध्दव ठाकरे यांनी मुख्यमंत्रिपदाचा चेहरा जाहीर करावा, अशी मागणी केली आहे. त्यानंतर आज विधान परिषदेचे विरोधी पक्षनेते अंबादास दानवे यांनी उद्धव ठाकरे यांना महाराष्ट्राचे नेतृत्व करण्याची संधी मिळू दे, साकडे विठ्ठल चरणी घातले आहे. यावर शिवसेनेचे आमदार शहाजी पाटील यांनी उद्धव ठाकरे यांच्या मुख्यमंत्रिपदाच्या मागणीवर टीका करत महाविकास आघाडीत फाटाफूट होईल, असा दावा केला आहे. 'मुळात महाविकास आघाडी ही तत्वहीन आहे. उद्धव ठाकरे बाळासाहेबांचा विचार सोडणार नाहीत, असा टोलाही आमदार शहाजी पाटील यांनी ठाकरेंना लगावला.