राज्यातील काँग्रेसचे ज्येष्ठ नेते अनंतराव थोपटे यांचं अल्पशा आजाराने निधन झालं आहे. त्यांनी वयाच्या ९३ व्या वर्षी पुण्यातील दिनानाथ मंगेशकर रुग्णालयात अखेरचा श्वास घेतला. अनंतराव थोपटे पुण्यातील भोर विधानसभा मतदारसंघाचे माजी आमदार होते. त्यांनी भोर विधानसभा मतदारसंघाचे अनेक वर्षे नेतृत्व केले. अनंतराव थोपटे अनेक वर्षे राज्य मंत्रिमंडळात कॅबिनेट मंत्री होते. ते पुण्याचे पालकमंत्री देखील राहिले आहेत. राष्ट्रवादी काँग्रेसच्या स्थापनेनंतर थोपटे काँग्रेसचे विधीमंडळातील गटनेते होते. पुणे जिल्ह्यात काँग्रेस पक्ष वाढण्यात थोपटे यांचे मोठे योगदान होते.