पेट्रोल-डिझेलच्या वाढत्या दरांचा फटका शालेय विद्यार्थ्यांच्या वाहतुकीला बसला आहे. स्कूल बस भाड्यात १५ टक्क्यांनी वाढ करण्याचा निर्णय स्कूल बस मालक संघटनांनी घेतला आहे. जून २०२६ पासून ही नवीन शुल्कवाढ लागू करण्यात आली आहे.

डिझेलसह, कर्मचाऱ्यांचे वेतन, वाहन देखभाल, विमा, टोल आणि इतर ऑपरेशनल खर्च वाढल्याने हा निर्णय घेण्यात आल्याचं संघटनेचं म्हणणं आहे. सरकारकडून कोणतीही मदत न मिळाल्याने हा निर्णय घ्यावा लागत असून पालकांनी सहकार्य करण्याचं आवाहनही स्कूल बस मालक संघटनेनं केलं आहे.