Yavatmal school bus accident today : यवतमाळमध्ये स्कूल बसच्या अपघाताची एक दुर्दैवी घटना घडली आहे. उमरखेड तालुक्यातील दिवटीपिंपरी येथे शाळेच्या बसचा अपघात झालाय. यामध्ये नववीत शिकणाऱ्या एका विद्यार्थिनीचा मृत्यू झाला आहे. या अपघातामध्ये अनेक विद्यार्थी जखमी झाले आहेत. या घटनेने परिसरात हळहळ व्यक्त होत आहे.

यवतमाळच्या उमरखेड तालुक्यातील दिवटीपिंपरी ते दहागाव दरम्यान आज सकाळी स्कूल बसचा अपघात झाला. उमरखेडच्या दिवटीपिंपरी वरून दहागाव येथील शाळेत विद्यार्थ्यांना घेऊन जात असताना स्कूल बसचा अपघात झाला.

स्टेरिंग रॉड तुटल्याने स्कूल बस झाडावर आदळली. या भीषण अपघातामध्ये एका विद्यार्थीनीचा मृत्यू झाला. स्टुडन्ट वेल्फेअर इंग्लिश मीडियम स्कूलची बस असल्याची सुत्रांची माहिती,गंभीर जखमी विद्यार्थ्यांना उरमगेडच्या उपजिल्हा रुग्णालयात उपचारासाठी दाखल करण्यात आलेय.