Sayaji Shinde Nashik Tapovan : नाशिकमधील तपोवन येथील प्रस्तावित वृक्षतोडीला अभिनेते आणि पर्यावरण प्रेमी सयाजी शिंदे यांनी कडाडून विरोध केला आहे. 'झाडं हे आमचे आई-बाप आहेत, त्यांच्यावर हल्ला झाल्यास आम्ही गप्प बसणार नाही,' असा इशारा शिंदे यांनी दिला आहे.

कुंभमेळा किंवा सण उत्सवांना आपला विरोध नाही, मात्र त्यासाठी हजारो झाडांची कत्तल करणे चुकीचे असल्याचे त्यांनी स्पष्ट केले. तसेच, झाडांचे ट्रान्सप्लांटेशन यशस्वी होत नाही आणि उजाड माळरानावर झाडं जगणार नाहीत, असे सांगत त्यांनी प्रशासनाच्या नियोजनावर प्रश्नचिन्ह उपस्थित केले आहे. नितेश राणे यांच्या टीकेलाही त्यांनी यावेळी उत्तर दिले. झाडांची कत्तल करून पर्यावरणाचा ऱ्हास होऊ देऊ नका, असे आवाहन त्यांनी सरकारला केले आहे.