बीडमध्ये ढाकणे पिता-पुत्रांना अमानुषपणे मारहाण करणारा आरोपी सतीश भोसले उर्फ खोक्याच्या उत्तर प्रदेशच्या प्रयागराजमधून अटक करण्यात आली आहे. बीड पोलिसांनी प्रयागराज पोलिसांच्या मदतीने खोक्याला अटक केली. गेल्या ६ दिवसांपासून बीड पोलिस सतीश भोसलेचा शोध घेत होते. अखेर आज त्याच्या मुसक्या आवळ्यात पोलिसांना यश आले आहे. सतीश भोसले हा आमदार सुरेश धस यांचा निकटवर्ती आहे.

बीडचे पोलिस अधीक्षक नवनीत कॉवत यांनी खोक्याच्या अटकेमागचा थरार सांगितला आहे. त्यांनी सांगितले की, 'सतीश भोसले गुन्हा दाखल झाल्यापासून फरार होता. त्याच्या प्रत्येक हालचालींवर पोलिसांचे लक्ष होते. पोलिस त्याचा पाठलाग करत होते. त्याचा पाठलाग करत असताना आम्हाला प्रयागराजमध्ये तो असल्याचे कळाले. त्यानंतर उत्तर प्रदेश पोलिसांच्या संपर्कात राहून आम्ही प्रयागराजमधून त्याला अटक केली.'

'सतीश भोसलेवर तीन गुन्हे दाखल आहे. शिरूर पोलिस ठाण्यात दोन गुन्हे दाखल आहेत. चकलांबा पोलिस ठाण्यात त्याच्यावर दुसरा गुन्हा दाखल आहे. तिसरा गुन्हा वनविभागाने दाखल केलेला आहे. अटकेनंतर आता खोल्या बीडमध्ये उद्या किंवा परवा आणण्यात येईल.', अशी माहिती देखील पोलिस अधीक्षकांनी दिली.