साताऱ्यातल्या कास परिसरातील एका हॉटेलमध्ये रेव्ह पार्टी रंगल्याचा व्हिडिओ समोर आला आहे. या रेव्ह पार्टीत दारू पिऊन धिंगाणा घातल्याचा व्हिडिओ व्हायरल झाल्याने या पार्टीचं बिंग फुटलं आहे.

साताऱ्यातील कास परिसरात एका हॉटेलवर रेव्ह पार्टी झाली आहे. या रेव्ह पार्टीत बार बाला देखील नाचवल्या गेल्या आहेत. या पार्टीत दारू पिऊन धिंगाणा घालतानाचे व्हिडिओ सध्या व्हायरल होतायत. महत्वाचे म्हणजे या रेव्ह पार्टी नंतर या ठिकाणी वाद होऊन राडा देखील झाला त्यात दोन ते तीन जण जखमी झाले आहेत. या प्रकरणी अद्याप गुन्हा दाखल झाला नसला तरी सातारा पोलिस अधीक्षक समीर शेख यांनी या प्रकरनाची चौकशी सुरू केली आहे.

या प्रकरणात कोणत्याही पोलिस बंदोबस्तात ही रेव्हपार्टी झाली नसल्याचे सांगत या प्रकरणाचा अहवाल लवकरात लवकर तयार करून दोषींवर कडक कारवाई केली जाईल असं स्पष्ट केलं आहे.