सातारा: अनेक दिवसांपासून मान्सूनपूर्व पावसाने सातारा जिल्ह्याला चांगलेच झोडपून काढले आहे. पावसामुळे सातारा जिल्ह्यात अनेक ठिकाणी पूर सदृश्य परिस्थिति निर्माण झाली आहे. सातारा तालुक्यातील ग्रामीण भागातील चिंचनेर वंदन परिसरात पावसामुळे ओढे नाले ओसंडून वाहत आहेत. ओढ्याला अचानक आलेल्या पुरामुळे बाजार मैदानावर पाणी शिरले आणि मैदानावर लावलेल्या चार ते पाच चार चाकी गाड्या पाण्यामध्ये अडकल्या. यावेळी ग्रामस्थ आणि जेसीबी चालक उमेश राठोड याच्या सतर्कतेमुळे तात्काळ जेसीबीच्या मदतीने सर्व वाहने मैदानावरून सुरक्षित स्थळी हलवली.