देशातील अनेक बॉम्बस्फोटाचा आरोपी सकीब नाचनचा मृत्यू झाला आहे. ISIS महाराष्ट्र दहशतवादी माॅड्युल प्रकरणातील प्रमुख आरोपी साकीब नाचनला सोमवारी ब्रेन स्ट्रोक आल्यानंतर दिल्लीतील दीनदयाळ उपाध्याय रुग्णालयात दाखल करण्यात आले होते.

मिळालेल्या माहितीनुसार नाचनची प्रकृती गंभीर होती. त्याच्यावर अतिदक्षता विभागात उपचार सुरू होते. तिहार तुरुंग अधिकऱ्यांनी त्याच्या वैद्यकीय स्थितीबद्दल माहिती दिली होती. इसिस माॅड्युल प्रकरणात एनआयने डिसेंबर 2023मध्ये ठाणे जिल्ह्यातील पडघा येथे टाकण्यात आलेल्या छाप्यात साकीबसह त्याच्या अनेक साथीदारांना पडघ्यातून अटक केली होती. तीन दिवसांपूर्वी तिहार तुरुंगात ब्रेन स्ट्रोक आल्यानंतर त्याला रुग्णालयात दाखल केले होते. आज त्याचा मृत्यू झाला आहे.