खंडणी प्रकरणातील आरोपी वाल्मिक कराड याला १४ दिवसांची न्यायालयीन कोठडी आज सुनावण्यात आली आहे. त्यानंतर आता त्याची बीडच्या कारागृहात रवानगी करण्यात आली आहे.

सरपंच संतोष देशमुख हत्या प्रकरण आणि आवादा कंपनी खंडणी प्रकरणात आरोपी असलेल्या वाल्मिक कराड याला आज बीडच्या न्यायालयासमोर हजर करण्यात आले. त्यानंतर त्याला पुन्हा एकदा १४ दिवसांची न्यायालयीन कोठडी देण्यात आली आहे. सरपंच संतोष देशमुख हत्येनंतर पोलीस आरोपीना शोधत असताना वाल्मिक कराड पुण्यात पोलिसांना शरण आला होता. त्यानंतर त्याच्यावर मकोका लावण्यात आला. त्याअंतर्गतच ही कारवाई करण्यात आली आहे. त्यामुळे आता कराड जामीनासाठी अर्ज करतो का, हे पहाणं महत्वाचं ठरेल. मात्र मकोका लावलेला असल्याने जमीन मिळणं अवघड असणार आहे.