बीड सरपंच हत्येत खंडणी प्रकरणातील आरोपी वाल्मिक कराडच्या छातीचा सिटीस्कॅन करण्याचा सल्ला डॉक्टरांनी दिला आहे. पोट दुखीच्या त्रासाने बुधवारी रात्री वाल्मिक कराड याला रुग्णालयात दाखल करण्यात आलं होतं.

वाल्मिक कराडला बुधवारी रात्री पोटात दुखण्याचा त्रास होत असल्याचे जिल्हा कारागृहाकडून कळवण्यात आले होते. त्यानुसार कारागृहात जाऊन डॉक्टरने तपासणी केली होती. त्यानंतर पुढील तपासणी करण्यासाठी जिल्हा रुग्णालयात दाखल करणे गरजेचे असल्याचा सल्ला डॉक्टरांनी दिला. त्या नुसार कारागृह प्रशासनाने जिल्हा रुग्णालयात दाखल केले होते. सध्या त्याच्यावर आयसीयुमध्ये उपचार सुरू आहेत. काही तपासणी करणे गरजेचे आहे. सोनोग्राफी, रक्त चाचनी, युरीन टेस्ट केली जाणार आहे. त्याचा अहवाल आल्यानंतर पुढील निर्णय घेतला जाणार असल्याचं डॉक्टरांनी म्हंटलं आहे. तसंच वाल्मिक कराड याला सिटीस्कॅन देखील करण्याचा सल्ला डॉक्टरांनी आता दिलेला आहे.