काँग्रेसचे सहयोगी खासदार विशाल पाटलांचे (MP Vishal Patil) खायचे दात आणि दाखवायचे दात वेगळे असल्याची टीका शिवसेना ठाकरे गटाचे जिल्हाप्रमुख संजय विभूते (Sanjay Vibhute) यांनी केली आहे. तसेच सांगली (Sangli) जिल्ह्यामध्ये आगामी विधानसभा निवडणुकीत (Vidhansabha Election 2024) काँग्रेसकडून (Congress) पुन्हा विश्वासघात होणार असल्याचे स्पष्ट संकेत खासदार विशाल पाटलांनी दिलेत. त्यामुळे आगामी निवडणुकीत सांगली जिल्ह्यात काँग्रेससोबत आघाडी नको, अशी मागणी देखील संजय विभूते यांनी केली आहे. उद्धव ठाकरेंच्या (Uddhav Thackeray) निदर्शनास देखील विशाल पाटलांची भूमिका आणून देणार असल्याचंही संजय विभुतेंनी स्पष्ट केलं आहे.