ठाकरे गटाचे खासदार संजय राऊत यांनी शिंदे गटाचे मंत्री संजय शिरसाट यांच्यावर आज एकेक गंभीर आरोप केले आहेत. मंत्री संजय शिरसाट हे पैशांच्या बॅगा घेऊन बसले आहेत, असा आरोप संजय राऊतांनी केला असून यामुळे राजकारणात एकच खळबळ उडाली आहे. आणि हाच व्हिडिओ आता समोर आला आहे. या व्हिडिओमध्ये संजय शिरसाट बेडवर बसून सिगारेट ओढत ते फोनवर बोलत आहेत आणि याच बेडखाली पैशांची मोठी बॅग देखील पाहायला मिळत आहे. यावरच सामाजिक कार्यकर्त्या अंजली दमानिया यांनी ट्विट करत संताप व्यक्त केला आहे. तसेच माझ्याकडे आणखी व्हिडिओ आहे असा दावा ही संजय राऊत यांनी केला आहे.