राज्याचे सामाजिक न्याय मंत्री संजय शिरसाट यांचा मुलगा सिद्धांत शिरसाटवर गंभीर आरोप केल्याचे प्रकरण सकाळपासून सुरू आहे. सिद्धांत शिरसाठ याने मुंबई येथील चेंबुरच्या एक आलिशान फ्लॅटवर नेऊन माझ्यासोबत अनेकवेळा शारीरिक संबंध ठेवले. तसेच माझ्यासोबत बौद्ध पद्धतीने लग्न केले असे धक्कादायक आरोप या महिलेने केल्यानंतर राजकीय वर्तुळात मोठी खळबळ उडाली आहे.

सिद्धांत शिरसाट याने आपल्यावर मानसिक आणि शारीरिक छळ केले आणि माझा गर्भपात केला असा आरोपही या संबधित महिलेने केला आहे. आता या प्रकरणाची सर्वात मोठी बातमी समोर आली आहे ती म्हणजे सिद्धांत शिरसाट आणि त्या महिलेच्या विवाहाचे फोटो देखील समोर आले आहे. वैष्णवी हगवणे प्रकरण ताजे असताना आता मंत्र्यांच्या मुलांचे कारनामे समोर येत असून मंत्र्यांच्या मुलांना ही सगळे करण्याची मुभा मिळाली आहे का? असा सवाल सर्वत्र उपस्थित होत आहे.