चंद्रकांत पाटील यांच्या फिंगर प्रिंटबाबतच्या अजब दाव्यावरून ठाकरे गटाचे खासदार संजय राऊत यांनी त्यांच्यावर जोरदार निशाणा साधला आहे. चंद्रकांत पाटलांना थेट नोबेल पुरस्कार दिला पाहिजे, असा उपरोधिक टोला त्यांनी लगावला आहे.

आंदोलनातील दगडांवरून बोटांचे ठसे (फिंगरप्रिंट्स) गोळा करून ते आधार कार्डशी लिंक केले जातील, या भाजप नेते चंद्रकांत पाटील यांच्या विधानावर शिवसेना (ठाकरे गट) खासदार संजय राऊत यांनी जोरदार निशाणा साधला आहे. चंद्रकांत पाटलांनी लावलेल्या या 'अनोख्या शोधाबद्दल' त्यांना यंदाचा विज्ञानातील नोबेल पुरस्कार देण्यात यावा, असा उपरोधिक टोला राऊत यांनी लगावला आहे.

संजय राऊत माध्यमांशी बोलताना म्हणाले की, "दगडावरील बोटांचे ठसे आधार कार्डला लिंक करण्याचा नवीन शोध चंद्रकांत पाटलांनी लावला आहे. याबद्दल मुख्यमंत्री/उपमुख्यमंत्री देवेंद्र फडणवीस यांनी थेट नोबेल पुरस्कार समितीला शिफारस पत्र पाठवून चंद्रकांत पाटलांना या वर्षीचा विज्ञान व संशोधन क्षेत्रातील नोबेल पुरस्कार देण्याची मागणी केली पाहिजे." एवढेच नव्हे तर त्यांना एखाद्या जागतिक दर्जाच्या विज्ञान विद्यापीठाचे कुलगुरू (Vice-Chancellor) बनवले पाहिजे, अशी खोचक टीकाही राऊतांनी केली.